Օրվա լրահոս

Երեկ ուշ երեկոյան հրդեհ է բռնկվել Արմավիրի մարզում: ԱԻՆ-ից հայտնում են, որ դեպքի վայր է մեկնել հինգ մարտական հաշվարկ, արտակարգ իրավիճակների արձագանքման եւ օպերատիվ խմբերը: Հայտարարվել է հրդեհի բարդության 3-րդ աստիճան. դեպքի վայր է մեկնել եւս երեք մարտական հաշվարկ:
Պարզվել է, որ խոշոր հրդեհը բռնկվել է Նորապատ գյուղի նախկին դատարանի շենքում, որտեղ բնակվում է 14-ից ավելի ընտանիք: Shamshyan.com-ից տեղեկանում ենք, որ երկհարակնի շենքը ամբողջովին վերածվել է մոխրակույտի: Հավաքվածներն ասում էին, որ ուժեղ պայթյուն է տեղի ունեցել ինչից հետո առաջացել է կրակ: Ըստ նախնական տեղեկությունների զոհեր եւ վիրավորներ չկան։

Վերջին նորություններ