Օրվա լրահոս

Երեկվանից մեկնարկել է 2018 թվականի ՀՀ նախագահի՝ ՀՀԿ-ի նախընտրած թեկնածու Արմեն Սարգսյանի նախընտրական «քարոզարշավը: Հանրապետական կուսակցության գրասենյակում տեւած մեկուկես ժամ քննարկումից հետո, սակայն, Արմեն Սարգսյանին ուղղված՝ լրագրողների հարցերի պատասխանը խուսափողական ու զուսպ էր: ՀՅԴ Բյուրոյի ներկայացուցիչների հետ նույնքան ժամանակ տեւած քննարկումից հետո նախագահի ՀՀԿ-ի թեկնածուն կրկին լրագրողներից ժամանակ խնդրեց: Իհարկե լրագրողները նորից Արմեն Սարգսյանին հարց ուղղեցին իր եւ Վազգեն Սարգսյանի միջեւ տեղի ունեցած միջադեպից, որը նա անվանեց անհեթեթ տեղեկություններ: Նա նաեւ հրաժարվեց պատասխանել, թե ինչը կարող է պատճառ լինի, որ չընդունի ՀՀԿ-ի առաջարկը: ՀՅԴ Բյուրոյի ներկայացուցիչ Արմեն Ռուստամյանն էլ, անդրադառնալով իրենց եւ թեկնածուի հանդիպմանը, նշեց, որ Սարգսյանի առաջադրվելու հարցն են քննարկել: Ինչպես տեղեկացնում է Հայկական ժամանակը, նախագահի ՀՀԿ-ի թեկնածու Արմեն Սարգսյանին «քարոզարշավի ընթացքում ուղեկցում էր միայն վարորդը: Նա շրջում էր «Կադիլակ» ջիպ ամենագնացով:
Լուսանկարը՝ armtimes.com

Վերջին նորություններ