Օրվա լրահոս

Փետրվարի 13-ին Երեւանի քաղաքապետարանում՝ ավագանու նիստերի դահլիճում տեղի ունեցած քաշքշուկի շուրջ «Հայկական ժամանակ»-ը զրուցել է ՀՀԿ փոխնախագահ, պատգամավոր Գալուստ Սահակյանի հետ:

- Պարոն Սահակյան, ի՞նչ կարծիք ունեք Երեւանի քաղաքապետարանում տեղի ունեցած միջադեպի մասին:

- Դա ինձ համար ընդունելի տարբերակ չի, որ ավագանիների նիստի ժամանակ նման իրավիճակներ լինեն: Չեմ էլ կարծում, որ դա բնորոշ է մեր իրականության համար: Ինձ թվում է համապատասխան մարմինները կնայեն եւ ճիշտ եզրակացության կգան:

- Իսկ հայ կնոջը վայե՞լ էր նման պահվածքը:

- Ընդհանրապես, եթե խոսքը գնում է հայ կնոջն, ապա սազական չէ, բայց նաեւ նրանք քաղաքական գործիչներ են եւ յուրաքանչյուրn իր տարբերակումներն ունի իրականության նկատմամբ: Մտածել էին այդպես հանդես գալ: Իմիջայլոց ասեմ, եթե նման տեսակի նյութ են բերում եւ, որը բավականին տհաճ է մարդկանց համար դա յուրաքանչյուր մարդու իրավունքն է: Նման խնդիրներ պետք է չառաջանան: Առավել եւս, եթե նման որեւիցե խնդիր կա, ապա կարելի է համապատասխան մարմինների դիմել՝ արդարադատության նախարարությանը ու այդ խնդիրը կլուծվեր: Ի՞նչ կապ ուներ Երեւանի քաղաքապետարանը, ես կարծում եմ տեղին չէր այդ ամենը:

- Ավագանու ՀՀԿ անդամների արարքը տղամարդուն վայե՞լ էր:

- Ես ախր այնտեղ չեմ եղել:

- Դեպքի վայրից այդքան տեսանյութեր հրապարակվեց...

- Այդ տեսանյութն ամեն մի տեղ տարբեր ձեւի է ցույց տալիս: Եթե մեկը մյուսի վրա բան է ուզում լցնել բնական է, որ բոլորը խառնվում են իրար:

- Պարոն Սահակյան, իսկ տեսա՞ք, թե քաղաքապետի խորհրդական Գոռ Վարդանյանն ինչպես է ԵԾ-ի կին ավագանուն վերցնում եւ դուրս հանում: Ֆեյսբուքահայությունը որակեց, որ գրեթե շպրտում է:

- Ասեմ հետեւյալը՝ կարատե մասնագիտությունը դա այն է, որ երբեք անտեղի տեղը որեւէ մեկին չի շպրտում: Թեեւ չեմ հավատում, որ շպրտած լինի:

Շարունակությունը՝ սկզբնաղբյուր կայքում:

Վերջին նորություններ