Այսօր տեղի ունեցած կառավարության նիստի ընթացքում ՀՀ վարչապետի պաշտոնակատար Նիկոլ Փաշինյանը անդրադարձավ Սևանում սիգի որսի խնդրի։ Այս առնչությամբ նա նշեց, որ հարցը մի քանի անգամ արդեն քննարկվել է և պետք է մտածել երկարաժամկետ խնդրի լուծման մասին: Փաշինյանը ընդգծեց, որ Սևանում սիգի որսի հետ կապված հարյուր տոկոսանոց բարձիթողի իրավիճակ է ։ «Այն զեկուցագիրը, որը ստացել եմ, խոսում է մի շարք գերատեսչությունների թերացման մասին, այդ թվում Ազգային պարկի, բնապահպանության նախարարության և ոստիկանության», - ասաց կառավարության ղեկավարը: Պաշտոնակատարը Սևանա լճում կազմակերպական որոշակի լուծումների հասնելու համար հանձնարարել է Ոստիկանության պետին, Գեղարքունիքի մարզպետին, Բնապահպանական տեսչական մարմնի ղեկավարին համատեղ քննարկել այդ հարցը և առաջարկել երկարաժամկետ կոնկրետ լուծումներ: