Եղիսաբեթ Երկրորդ թագուհու ամուսին արքայազն Ֆիլիպն ավտովթարի է ենթարկվել: Այս մասին հաղորդում է BBC-նՙ հղում կատարելով Բուքինգհեմյան պալատի տարածած հայտարարությանը: Հաղորդվում է, որ Էդինբուրգի 97-ամյա հերցոգը պատահարի հետևանքով չի տուժել: ՃՏՊ-ն տեղի է ունեցել Նորֆոլկ կոմսությունումՙ թագավորական Սանդրիգհեմյան պալատից քիչ հեռու: Բուքինգհեմյան պալատը նաև հաղորդել է, որ ավտովթարը տեղի է ունեցել մեկ այլ մեքենայի մասնակցությամբ, իսկ դեպքի վայրում ոստիկանությունն է աշխատում: Range Rover ավտոմեքենայի ղեկին եղել է հենց ինքըՙ արքայազն Ֆիլիպը: Ավտովթարի հետևանքով հերցոգի մեքենան շրջվել է: