Շրի Լանկայում մայրաքաղաք Կոլոմբոյից քիչ հեռու, որտեղ տեղակայված է կենդանաբանական այգին, հնչել է 7-րդ պայթյունը: Ըստ նախնական տվյալների կա 2 զոհ: Շրի Լանկայի վարչապետը դատապարտել է այսօր առավոտյան երկրի 3 եկեղեցիներում և 3 հյուրանոցներում տեղի ունեցած հարձակումները, որոնք, ըստ ներկա տվյալների, ավելի քան 160 մարդու կյանք են խլել: Հիշեցնենք, որ այսօր առավոտյան Զատիկի տոնակատարությունների ժամանակ երկրի տարբեր մասերում 6 պայթյուն էր որոտացել, որի հետևանքով զոհերի թիվը ոչ պաշտոնական տվյալներով գերազանցել է 160-ը, մինչդեռ տուժածների թիվը, ըստ տարբեր տվյալների, 300-400-ի սահմանում է: Ներկա պահին երկրի կառավարությունը վարչապետի գլխավորությամբ արտահերթ նիստ է անցկացնում: Տեղի Նյուզ 1 ԷսՏէ հեռուստաալիքը հատնում է, որ ահաբեկչության զոհերի թիվը դարձել է 185: Նրանց թվում 35 արտասահմանցի կա: Ըստ նախնական տվյալների նրանք ԱՄՆ-ի, Բրիտանիայի եւ Հոլանդիայի քաղաքացիներ են: Պայթյունները որոտացել են տեղի ժամանակով 8:45-ին (Երևանի ժամանակով 7:15-ին)։ Դրանք իրականացրել են մահապարտ ահաբեկիչները: Ահաբեկչությունները կատարվել են մայրաքաղաք Կոլոմբոյի Սուրբ Էնթոնի, մայրաքաղաքային Նեգոմբո արվարձանի 2 եկեղեցիներում, մայրաքաղաքում տեղակայված Shangri-La, Kingsbury և Cinnamon Grand հյուրանոցներում։