![Ինչու զինծառայողները չեն ստացել բարձրացված աշխատավարձ․ բողոքն ու ՊՆ արձագանքը](https://auroranews.am/storage/img/base_image/old/e69a6d86e95658acd5951c405d327182.webp)
Ինչու զինծառայողները չեն ստացել բարձրացված աշխատավարձ․ բողոքն ու ՊՆ արձագանքը
![Ինչու զինծառայողները չեն ստացել բարձրացված աշխատավարձ․ բողոքն ու ՊՆ արձագանքը](https://auroranews.am/storage/img/base_image/old/e69a6d86e95658acd5951c405d327182.webp)
Aurora News-ի խմբագրություն են դիմել զինվորական համակարգի աշխատակիցներ, հայտնելով, որ չեն ստացել հունիս ամսվա համար նախատեսված աշխատավարձն ամբողջությամբ։
«Հերթական սուտ ինֆորմացիան է տարածվում կառավարության, ՊՆ-ի ու ԶԼՄ-ների կողմից, թե զինծառայողների աշխատավարձը բարձրանում է: Այնինչ բուն աշխատավարձը մնում է նույնը, և ավելանում են տարատեսակ հավելավճարները: Իսկ դա, բոլորս էլ գիտենք, որ արվում է հետագայում թոշակները չբարձրացնելու նպատակով: Սա է իրականությունը»,- գրել են մեզ դիմած քաղաքացիները։
![](https://scontent.fevn2-1.fna.fbcdn.net/v/t1.15752-9/66124389_910491949293494_8865610602651844608_n.png?_nc_cat=108&_nc_oc=AQmT_qgE64rv88_1aDrvuWbN5F0eW9iR_0x_IndqXg3Q5am5o4yVahx99V6B1ASq4v0&_nc_ht=scontent.fevn2-1.fna&oh=38808712651d681fb40418545af45719&oe=5DC5B3B0)
Կապ հաստատելով նրանց հետ, հետաքրքրվեցինք՝ զորամասում հարցրե՞լ են, թե ինչումն է խնդիրը, նշեցին․«Բարձրաձայնել ենք հարցը, ասացին, թե հուլիսին կստանաք հունիս ամսվա քիչ ստացած գումարը, հետո ասացին, թե որոշ զորամասերում ստացել են, ֆինանսական փոխանցումների հետ է կապված, որ մենք չենք ստացել, և այլն և այլն։ Այնպիսի իրավիճակ է, որ ոչ մեկ մեզ կոնկրետ ու հստակ բան չի ասում»։
Տեղեկացանք նաև, որ Պն աշխատակիցները օրինակ՝ հունիս ամսվա աշխատավարձը ստանում են նույն ամսվա վերջին։
Նշենք՝ մայիսի 30-ին գործադիրի նիստում վարչապետ Նիկոլ Փաշինյանը հայտարարեց, որ հունիսի 1-ից զինվորականների աշխատավարձերը կբարձրանան։ «Աշխատավարձերը բարձրանում են հունիսի 1-ից, այսինքն՝ հուլիսին կստանան բարձրացված աշխատավարձը»,- նշել էր վարչապետը։
Aurora News-ը խնդիրն հասկանալու նպատակով կապ հաստատեց ՀՀ ՊՆ մամլո խոսնակ Արծրուն Հովհաննիսյանի հետ։ Պարոն Հովհաննիսյանի պատասխանը՝ տեսանյութում։