«Հույս կա, որ գործը կարող է փակվել»․ Խաչատուրյան քույրերի փաստաբան
Հոր՝ Միխայիլ Խաչատուրյանի, սպանության մեջ մեղադրվող Խաչատուրյան քույրերը տանն են. նրանց նկատմամբ կիրառվում է «որոշակի գործողությունների արգելքի» տեսքով խափանման միջոցը: Անգելինա Խաչատուրյանի փաստաբան Ալեքսեյ Պարշինը SHANTNEWS.am-ի հետ զրույցում հայտնեց, որ գործը դեռ քննության փուլում է:
Հարցին՝ կարելի՞ է ենթադրել, որ Խաչատուրյան քույրերը կարդարացվեն և ազատ կարձակվեն, փաստաբանը պատասխանեց, որ նրանք ազատ են արձակվել, սակայն դատի մասին խոսելը վաղ է:
Հետաքրքրվեցինք՝ հույս կա՞, որ գործը կարող է փակվել, Պարշինը նշեց.
«Հույս, իհարկե, կա, բայց կանխատեսումները մշուշոտ են»:
Փաստաբանը հայտնեց՝ Խաչատուրյան քույրերը շարունակում են տանը լինել:
«Նրանց նկատմամբ կիրառվում է «որոշակի գործողությունների արգելքի» տեսքով խափանման միջոցը»,- տեղեկացրեց նա:
