Վաղ առավոտյան կրակոցներ են հնչել  Արմավիրի մարզում։ Ինչպես հայտնում է armeniasputnik.am-ը՝ Էջմիածնի ոստիկանները հատուկ օպերացիա են իրականացրել ու կրակոցներ արձակած երիտասարդին իր թանկարժեք մեքենայով հանդերձ բերման են ենթարկել ոստիկանություն։

Լրատվականը նշում է՝ քաղաքում խոսում են, որ երիտասարդը որևէ մեկի հետ չի վիճել, պարզապես թափառող շներին վնասելու կամ վախեցնելու համար է կրակոցներ արձակել։