Ռուսաստանի արդարադատության նախարարության այսօրվա որոշմամբ ընդդիմադիր գործիչ Ալեքսեյ Նավալնիի հակակոռուպցիոն հիմնադրամը համարվեց «արտասահմանյան գործակալ»:

Արդարադատության նախարարությունը հայտարարել է, որ եկամուտ չհետապնդող կազմակերպությունների մասին դաշնային օրենքի հիման վրա Նավալնիի հիմնադրամն ընդգրկվել է «օտարերկրյա գործակալ» համարվող կազմակերպությունների ցանկում:

 Նման կարգավիճակ ունեցող ոչ կառավարական կազմակերպությունները պարտավոր են գրանցվել պետական ռեեստրում, պարբերաբար հաշվետվություններ ներկայացնել ֆինանսական աղբյուրների ու ծախսերի, ինչպես նաև իրենց գործունեության նպատակների մասին, գրում է Ազատությունը:

Ռուսաստանի նախագահին խստորեն քննադատող Ալեքսեյ Նավալնին իր հիմնադրամի կայքում հաճախ է կոռուպցիոն աղմկահարույց բացահայտումներ անում: