Քաղաքապետը պաշտոնավարման մեկ տարին կամփոփի Օպերային թատրոնի բեմում
Երեւանի քաղաքապետ Հայկ Մարությանն իր պաշտոնավարման մեկ տարին կամփոփի Ալ. Սպենդիարյանի անվան օպերայի եւ բալետի ազգային ակադեմիական թատրոնի բեմում: Այս մասին տեղեկացանք քաղաքապետի տեղակալ Տիգրան Վիրաբյանից:
Քաղաքապետն, ըստ նրա, կխոսի Երեւան քաղաքի 2801-րդ տարեդարձի առթիվ տեղի ունեցող պաշտոնական միջոցառման ժամանակ:
«Օպերային թատրոնում կայանալիք պաշտոնական միջոցառումն էլիտար միջոցառում չի լինելու, ուղղակի այն ներառելու է որոշակի հաշվետվություն, կլինի պարգեւատրման արարողություն, ամփոփիչ ֆիլմ, որը կներկայացնի մեկ տարվա մեր կատարած աշխատանքը»,- այսօր հրավիրված ասուլիսի ժամանակ ասաց փոխքաղաքապետը:
Հայկ Մարությանը Երեւանի քաղաքապետի պաշտոնը ստանձնել է 2018 թվականի հոկտեմբերի 13-ին:
