Էրդողանը մեկնել է Ադրբեջան
Թուրքիայի նախագահ Ռեջեփ Թայիփ Էրդողանը մեկնել է Ադրբեջան: Այս մասին հայտնում են ադրբեջանական լրատվամիջոցները՝ նշելով, որ Էրդողանը Բաքվում մասնակցելու է թուրքախոս պետությունների համագործակցության խորհրդի (Թուրքական խորհուրդ) 7-րդ գագաթնաժողովին:
Նշվում է, որ Էրդողանը Բաքվում երկկողմ հանդիպումներ է ունենալու խորհրդի անդամ երկրների ղեկավարների հետ:
Այցից առաջ լրագրողների հետ զրույցում Թուրքիայի նախագահն ասել էր, որ առաջին հերթին հանդիպելու է «իր ադրբեջանցի եղբորը՝ Իլհամ Ալիեւին», այնուհետ մեկնելու է մասնակցելու գագաթնաժողովին:
