SHAMSHYAN.com-ի տեղեկություններով՝ քիչ առաջ արտակարգ դեպք է տեղի ունեցել Լոռու մարզում: 

Դանակահարված վիճակում Վանաձորի բժշկական կենտրոն է տեղափոխվել անչափահաս տղա: Հիվանդանոց են մեկնել Վանաձոր քաղաքի ոստիկանության Բազումի բաժնի օպերատիվ խումբը՝ ովքեր պարզել են, որ դանակահարվածը Վանաձոր քաղաքի Գևորգ Չաուշի անվան թիվ 24 միջնակարգ դպրոցի սան, 16-ամյա Վ. Ա.-ն է: 

Հիվանդանոցից ոստիկաններին հայտնել են, որ երեխայի կյանքին վտանգ չի սպառնում: 

Լոռու մարզի ոստիկաններն էլ տաք հետքերով պարզել են, որ 16-ամյա երեխային դանակահարել է Վանաձոր քաղաքի բնակիչ, 18-ամյա Նարեկ Վիրաբյանը: