Թրամփը հրապարակել է ալ-Բաղդադիի ոչնչացման ժամանակ վիրավորված շան լուսանկարը
ԱՄՆ նախագահ Դոնալդ Թրամփը Twitter-ում հրապարակել է վիրավոր այն շան լուսանկարը, որը մասնակցել է «Իսլամական պետություն» խմբավորման ղեկավար Աբու Բաքր ալ-Բաղդադիի ոչնչացման գործողությանը: Թրամփը նաև նշել է, որ շունը շատ լավ է կատարել իր գործը
«Մենք գաղտնազերծել ենք այն հրաշալի շան լուսանկարը, որը հսկայական մեծ ծավալի աշխատանք է կատարել Աբու Բաքր ալ-Բաղդադիի ոչնչացման ժամանակ»,- գրել է Թրամփը:
Թրամփը նաև նշել է, որ շունն արդեն ապաքինվում է և գտնվում է լավ վիճակում:
Հիշեցնենք, որ երեկ Թրամփը հատուկ ճեպազրույցի ժամանակ հայտնել էր, որ ամերիկյան ուժերի՝ Իդլիբում իրականացված գործողությունների արդյունքում ոչնչացվել է Աբու Բաքր ալ-Բաղդադին: Նրա մարմնի մնացորդները սիրիական Իդլիբի Բարիշա գյուղից տեղափոխվել են Իրաքում գտնվող ամերիկյան ռազմաբազա:
