Ամստերդամի օդանավակայանում ինքնաթիռի առևանգման մասին տագնապի ազդանշանը գիշերը մեծ խուճապի պատճառ է դարձել։ Համաձայն տագնապի ահազանգի՝  զինված անձինք զավթել են ինքնաթիռը։Համացանցում հայտնվել են լուսանկարներ ու տեսանյութեր «Սխիպհոլ» օդանավակայանից, որում երևում է, թե ինչպես է օդանավակայանի որոշ հատվածներում տեղաշարժը սահմանափակվել, ոստիկանությունն էլ պարեկություն է սահմանել։ 

Ավելի ուշ Air Europe ավիաընկերությունից հայտնել են, որ օդաչուն պատահաբար է սեղմել ինքնաթիռի առևանգման մասին ազդարարող կոճակը։