2020 թվականի բյուջեի նախագծով ծրագրվում է բարձրացնել Հայաստանի գրավչությունը օտարերկրյա ներդրողների համար, ինչին պետք է նպաստեն հարկման ոլորտի բարեփոխումները։ Այս մասին Ազգային ժողովի նիստում, 2020 թվականի պետբյուջեի նախագծի քննարկման ժամանակ, նոյեմբերի 13-ին ասաց Հայաստանի ֆինանսների նախարար Ատոմ Ջանջուղազյանը։

Նշենք, որ ընդհանուր առմամբ, Հայաստանի բյուջեի 2020-ի ծախսերը կավելանան գրեթե 17 տոկոսով (մոտ 271 մլրդ դրամով) եւ կկազմեն 1 տրիլիոն 880,2 միլիարդ դրամ։ Ընդ որում, եկամուտները կավելանան միայն 8 ու մի փոքր ավելի տոկոսով եւ կկազմեն 7 տրիլիոն 697,6 միլիարդ դրամ։ Արդյունքում՝ բյուջեի դեֆիցիտը կավելանա մինչեւ 182,6 միլիարդ, իսկ ՀՆԱ-ի հանդեպ դեֆիցիտի հարաբերակցությունը կավելանա 0,6-ից միանգամից մինչեւ 2,6 տոկոս։