3345

ՏԵՍԱՆՅՈՒԹ. Քաղաքապետի պահվածքը ամոթալի էր, վիրավորական. Աբու Դաբիի թագաժառանգի ներկայացուցիչները ուշագրավ մանրամասներ են հայտնում

03.12.2019 22:13

Գագիկ Ծառուկյանի հայտարարությունն այն մասին, թե Հայաստանում խոշոր ներդրումներ կատարելու ցանկություն ունեցող Աբու Դաբիի թագաժառանգը Հայկ Մարությանի հետ հանդիպումից հետո հիասթափված հեռացել է, բուռն քննարկման պատճառ է դարձել: Քաղաքապետի մամուլի խոսնակը թեև հերքել է տեղեկությունը, սակայն թագաժառանգի ներկայացուցիչները Մարությանի հետ ունեցած հանդիպումից ուշագրավ մանրամասներ են հայտնել: 

 

Կենտրոն ՀԸ ռեպորտաժում թագաժառանգ շեյխ Սուլթան Բին Խալիֆա բին Զաիդ Ալ Նահյանի ներկայացուցիչներ Ջաբեր և Ադել ալ Մարզուքի եղբայրները պատմել են, որ նախ քաղաքապետը հանդիպմանը ուշացած է ներկայացել, ապա իրենց շարք են կանգնեցրել ու ասել են, որ պետք է սպասեն քաղաքապետին: Հանդիպումը, ամեն դեպքում մեկնարկել է: Ներդրողները ներկայացրել են իրենց հավակնոտ ծրագրրեը, որոնց համար իրենց տարածք հարկավոր և այդ իսկ պատճառով դիմել են քաղաքապետին: 

 

«Քաղաքապետի պատասխանը մեզ ուղղակի ապշեցրեց: նա մեզ բառացիորեն ասաց, որ մենք չունենք հողեր ու որպես քաղաքապետարան չենք կարող օգտակար լինել: Գնացեք մասնավորի մոտ, փնտրեք գնեք տարածքներ: Էլ ինչո՞ւ ենք գնացել քաղաքապետի հետ հանդիպման: Մեզ համար սա շատ հիասթափեցնող էր: Այդ ընթացքում Հայաստանում էր նաև թագաժառանգը, ով ինձ շատ կարևոր հարցով զանգահարեց: Ես ներողություն խնդրեցի, որ 10 վայրկյան պատասխանեմ և ասեմ, որ հանդիպման եմ: Դրանից հետո քաղաքապետը մեզ ասաց. կարծում եմ աննպատակ է մեր հանդիպումը շարունակել: Շատ անքաղաքավարի ձևով մեզ կոպտեց: Ասեց չի կարելի հանդիպման ժամանակ հեռախոսով խոսել, այն դեպքում, երբ ես ասել էի զանգի կարևորության մասին և որ այն անմիջական կապ ունի մեր հանդիպման հետ: 

 

Դրանից հետո քաղաքապետն առանց բացատրության ընդհատեց հանդիպումը, ինչը շատ վիրավորական էր մեզ համար: Առաջին րոպեից մինչև վերջին րոպեն քաղաքապետի պահվածքը ամոթալի էր: Եթե չլիներ պարոն Ծառուկյանի հանդեպ մեր հարգանքը և այն հանգամանքը, որ ինքն էր կազմակերպել հանդիպումը, մենք ինքներս կհեռանայինք: Միայն հիվանդանոցի ու հյուրանոցների կառուցման համար 300-400 մլն դոլար ներդրում էինք կատարելու: Իսկ մետրոյի կայարանները նորոգելու ու նոր կայարաններ կառուցելու համար ներդրումները միլիարդավոր դոլարների էր հասնելու»,-պատմեց թագաժառանգի ներկայացուցիչը: 

 

Մանրամասները` տեսանյութում