Պաշտպանության նախարարությունն Ազգային ժողով է ներկայացրել նախագիծ, որը թույլ է տալիս վերաբացել բանակի մարզական ակումբները։ ԱԺ պաշտպանության և անվտանգության հարցերի հանձնաժողովում  ՊՆ փոխնախարար Գաբրիել Բալայանն ասաց, որ իրենք նախապատրաստվում են զորակոչին, և եթե Ազգային ժողովը հասցնի այս օրենքն ընդունել, ապա արդեն այս զորակոչին այդ բանակային ակումբները կբացվեն։ Խոսքը, մասնավորապես, օլիմպիական սպորտաձևերի մասին է։