Հասկանալի չէ ագրեսիան այն կարծիքի հանդեպ, որ չի համընկնում ձերի հետ․ Զոհրաբյան
Կառավարությունը համաձայնագրեր է կնքել, որոնցով 152 միլիոն դոլար վարկ է վերցնելու, և Ազգային ժողովի ընդդիմադիր խմբակցությունները քննադատում են, որ բավարար հիմքեր չեն ներկայացվել այս վարկերի հիմնավորվածությունն ապացուցելու համար։
Իմքայլական պատգամավորներն էլ քննադատում են ընդդիմադիրներին, որ, ըստ իրենց, նրանք չեն հասկանում հիմնավորումները։
«Մեզ համար բացարձակապես հասկանալի չէ այս ագրեսիան այն կարծիքի հանդեպ, որը չի համընկնում ձեր տեսակետի հետ»,- Նաիրա Զոհրաբյանը պատասխանեց իշխանական պատգամավորներին։
Ինչ վերաբերում է նրան, որ ԲՀԿ-ն նախկինում կողմ է եղել վարկերին, ԲՀԿ փորձառու պատգամավորն ասաց, որ իրենք կողմ են քվեարկել մի քանի վարկային համաձայնագրերի, որոնք վերաբերել են զենքի գնմանը, Գյումրիի ասֆալտապատմանը և այլ նման ծրագրերի։
