ԱՄՆ դեսպանին Թուրքիայի ԱԳՆ են կանչել Հայոց ցեղասպանության մասին բանաձևի կապակցությամբ
Թուրքիայի ԱԳՆ-ն Անկարայում ԱՄՆ դեսպան Դեւիդ Սաթերֆիլդին նախարարություն է կանչել Հայոց ցեղասպանության ճանաչման ու դատապարտման մասին ԱՄՆ-ի Կոնգրեսի Սենատի կողմից ընդունված բանաձեւի կապակցությամբ: Այդ մասին փոխանցում է ՏԱՍՍ-ը:
«Մեր նախարարություն Էր կանչվել ԱՄՆ դեսպան Դեւիդ Սաթերֆիլդը 1915 թվականի իրադարձությունների վերաբերյալ բանաձեւի պատճառով:
Արտաքին գործերի փոխնախարար Սեդաթ Օնալը նրան Է փոխանցել մեր արձագանքը այդ որոշմանը»,- ՏԱՍՍ-ին հայտնել է Թուրքիայի արտաքին քաղաքական գերատեսչության իրենց աղբյուրը:
Հիշեցնենք, որ երեկ ԱՄՆ Կոնգրեսի Վերին պալատը՝ Սենատը, միաձայն ընդունել է Հայոց ցեղասպանությունը ճանաչող եւ դատապարտող բանաձեւը, Բանաձևն առաջին անգամ է ընդունվել ԱՄՆ Սենատում:
