Սոլեյմանին ուզում էր պայթեցնել մեր դեսպանատներից մեկը. Թրամփ
«Մենք դա արել ենք, որովհետև նրանք ուզում էին պայթեցնել մեր դեսպանատներից մեկը»: Այս մասին Սպիտակ տանը լրագրողների հետ զրույցում ասել է ԱՄՆ նախագահ Դոնալդ Թրամփը անդրադառնալով Իրանի լեգենդար գեներալ Քասեմ Սոլեյմանիի սպանությանը:
ԱՄՆ նախագահը չի հստակեցրել, թե որ դեսպանատունն են ցանկացել ոչնչացնել: «Մենք դա պետք է վաղուց անեինք»,- ասել է Թրամփը:
Հիշեցնենք, որ հունվարի 3-ին Բաղդադում ամերիկյան ավիահարվածների արդյունքում սպանվել է Իրանի հեղափոխության պահապանների կորպուսի «Ղոդս» ստորաբաժանման հրամանատար, գեներալ Քասեմ Սոլեյմանին, ինչպես նաև Իրաքի Ժողովրդական մոբիլիզացիայի ուժերի փոխհրամանատար Աբու Մահդի Ալ Մուհանդիսը: Տեղեկությունը հաստատել է Իրանի հեղափոխության պահապանների կորպուսը:
