ԶՈՒ-ն ամփոփել է զորքերի կատարած աշխատանքները
ՀՀ ԶՈՒ գլխավոր շտաբի զորքերի ծառայության վարչությունում հունվարի 17-ին ամփոփվել են 2019թ. ուսումնական տարվա արդյունքները: Այս մասին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից։
«Խորհրդակցությանը, որը վարել է ԳՇ ԶԾ վարչության պետ, գնդապետ Ա.Պետրոսյանը, մասնակցել են վարչության և զորատեսակների` զորքերի ծառայությունն ուղղորդող սպաները:
Արդյունքների ամփոփման ավարտին ԶՈՒ ԳՇ պետի հրամանով խրախուսվել են 2019 ուսումնական տարվա ընթացքում առավել աչքի ընկած սպաները»,- ասվում է հաղորդագրության մեջ:
