Անձամբ ես խոսելու առիթ կունենամ. Արթուր Դավթյանը` Կուտոյանի մահվան հանգամանքների մասին
Այս պահին քննությամբ ձեռք բերված նախնական բավականաչափ տվյալներ վկայում են ինքնասպանության մասին: Այս մասին ԱԱԾ նախկին տնօրեն Գեորգի Կուտոյանի հոգեհանգստի ժամանակ լրագրողներին ասաց ՀՀ Գլխավոր դատախազ Արթուր Դավթյանը:
«Դեպքի վերաբերյալ արդեն ապահովվել է որոշակի հրապարակայնություն։ Իսկապես այս պահին քննությամբ ձեռք բերված բավականաչափ տվյալներ վկայում են ինքնասպանության մասին: Ձեզ արդեն հայտնի է, որ ինքնասպանության հասցնելու հանցակազմի հատկանիշներով հարուցվել է քրեական գործ, բայց մահվան ելքով ցանկացած դեպքին բնորոշ բոլոր վարկածները ամենայն խորությամբ ստուգվելու են»,-ասաց նա:
Գլխավոր դատախազը շեշտեց, որ բոլոր ուղղություններով, բոլոր վարկածներով պատշաճ քննությունը կիրականացվի ու քննության ընթացքում որոշակի էական հանգամանքներ ձեռք բերվելու, առավել ևս քննության մասին մենք բոլորս, անձամբ ինքը, խոսելու առիթ կունենա:
