ՏԵՍԱՆՅՈՒԹ. Հայկական մեքենաները Ղազախստանում խնդիներ են առաջացնում. Ինչ է կատարվել իրականում

Հայկական մեքենաները Ղազախստանում խնդիներ են առաջացնում: Ինչ է կատարվել իրականում: 

 

Վերջին 3 տարվա ընթացքում Հայաստանից, Ղրղզստանից ու Ռուսաստանից Ղազախստան է մտել արտասահմանյան համարներով 200 հազար մեքենա: Հաշվառվել է 40 հազարը:

 

Հայաստանում վաճառվող մեքենաների ցածր գները ղազախներին գրավել են: Եկել են, գնել մեքենաներն ու տեղափոխել Ղազախստան: Վարել են առանց հաշվառելու՝ հայկական համարանիշներով՝ առանց մաքսազերծելու: 

 

Ըստ օրենսդրության արտասահմանյան համարանիշով մեքենան Ղազախստանում 1 տարուց ավելի չի կարող մնալ: Կամ պետք է գրանցել, կամ երկրի սահմաններից դուրս հանել: Բայց ղազախները պրոցեսին պատրաստ չեն, քանի որ այդ ամբողջ գործընթացը մեքենայից թանկ է ստացվում:

 

Ներկայում Ղազախստանի ոստիկանությունը մեծ խնդրի առջև է կանգնել: Արտասահմանյան համարներով հարյուր հազարավոր մեքենաներ խախտումներ են անում, բայց նրանց տերերին գտնել չի ստացվում: Արագություն են գերազանցում, սպանություններ ու կողոպուտ կազմակերպում, իսկ ոստիկանությունն այդպես էլ չի կողմնորոշվում, թե ում է պետք է ուղարկել տուգանքները :

 

Ոստիկանությունը ղազախներին հորդորում է ժամանակ չկորցնել՝ մեքենաները հաշվառել: Բայց վարորդները այլ դժգոհություն ունեն՝ պնդում են, որ իրենց մոլորեցրել են: 

 

 

 

 

Քաղաքականություն