Դավիթ Տոնոյանը՝ սահմանային իրավիճակի, ՍՈւ-30-ի մյուս խմբաքանակի մասին
Սահմանային իրավիճակը կայուն է։ Այս մասին այսօր լրագրողների հետ զրույցում ասաց Պաշտպանության նախարար Դավիթ Տոնոյանը։
«Սահմանային իրավիճակը կայուն է: Մեր սպառազինությունն ու կարողությունը, որն անհրաժեշտ է ԶՈւ-ում խնդիրները կատարելու նպատակով, բավականին մեծացել է: ՍՈւ-30-ի մյուս խմբաքանակը շուտով կհասնի Հայաստան»,- ընդգծեց նախարարը:
Անդրադառնալով միջադեպին, որի ժամանակ զինվոր էր վիրավորվել, Տոնոյանն ասաց, որ զինվորի վիճակը ծանր կայուն է․ «Վիրահատությունից հետո ինքը գտնվում է վերահսկողության տակ, վիճակը ծանր կայուն է»։
