Բելառուսի նախագահ Ալեքսանդր Լուկաշենկոն հրամանագիր է ստորագրել, որով կառավարությանը իրավունք է տալիս բանակցություններ վարել Ղազախստանի հետ նավթ և նավթամթերք մատակարարելու վերաբերյալ: Այս մասին հայտնում են պետության ղեկավարի մամուլի ծառայությունից: 

Այս փաստաթղթով նախագահը Կառավարությանը լիազորել է պատրաստել համաձայնագրի նախագիծ և այն ստորագրել, եթե կողմերը համաձայնեն հաստատված նախագծի շրջանակներում:

Զեկույցում նշվում է, որ Բելառուսը «շարունակում է դիվերսիֆիկացնել նավթի պաշարները՝ ուսումնասիրելով տարբեր աշխարհագրական տարածքներ ածխաջրածինների ներմուծման և լոգիստիկայի համար»: 

Մինսկը հիշեցնում է, որ նախորդ տարվա հոկտեմբերին նավթի մատակարարումների կազմակերպումը քննարկվել է Լուկաշենկոյի Ղազախստան կատարած պաշտոնական այցի ընթացքում: