«Զինվորին թիկունք» նախաձեռնության անդամների բողոքի ակցիան՝ կառավարության դիմաց

«Զինվորին թիկունք» նախաձեռնության անդամները այս րոպեներին բողոքի ակցիա են իրականացնում կառավարության շենքի դիմաց՝ դատապարտելով բանակում տեղի ունեցող սպանությունները: Նախաձեռնությունն իր ֆեյսբուքյան էջում հայտարություն է տարածել.

«ԴԱՏԱՊԱՐՏՈՒՄ ԵՆՔ բանակում զինվորների սպանությունների/ինքնասպանությունների շարունակական դեպքերը

ԴԱՏԱՊԱՐՏՈՒՄ ԵՆՔ դրանց վերաբերյալ քաղաքական և իրավական գնահատականի բացակայությունը, լեգիտիմ իշխանության կրավորական կեցվածքը, անտարբերությունը և լռությունը

ԴԱՏԱՊԱՐՏՈՒՄ ԵՆՔ գործերի թերի բացահայտումը/կոծկումը

 

ՊԱՀԱՆՋՈՒՄ ԵՆՔ՝

Կառավարության առաջիկա նիստից անմիջապես հետո՝ 20.02.2020թ․, հանդիպում ՀՀ վարչապետ Նիկոլ Փաշինյանի և ուժային կառույցների ղեկավարների հետ՝ ԱԱԾ տնօրեն, Գլխավոր դատախազ, Պաշտպանության նախարար, Ռազմական ոստիկանության պետ, Գլխավոր շտաբի պետ, Քննչական կոմիտեի ղեկավար, Հատուկ քննչական ծառայության պետ»,- նշված է հայտարարության մեջ։

Քաղաքականություն

Պատահարներ