Հայտնի է Թեհրանից ընտրված հայ պատգամավորի անունը

Իրանի 11-րդ գումարման խորհրդարանում Թեհրանի և հյուսիսային այլ նահանգների հայերի ներկայացուցիչ-պատգամավոր է ընտրել Արա Շահվերդյանը։ նա հավաքել է ձայների 65 տոկոսը։ Այս մասին հայտնում է իրանահայերի «Ալիք» օրաթերթի կայքը։ 

Թեհրանի, Թավրիզի, Ուրմիայի, Արաքի, Սարիի, Գորգանի և Անզալիի հայ ընտրողները ձայները բաշխվել են այսպես․ 

Արա Շահվերդյան – 3498 ընտրող, 
Արիս Շահբազյան – 1312 ընտրող, 
Ալբերտ Պողոսյան – 291 ընտրող, 
Սևան Սոհրայի – 174 ընտրող։ 
 

Իրանի Կենտրոնական ընտրական հանձնաժողովի խոսնակ Սեեդ Էսմայիլ Մուսավին հայտարարել է, որ խորհրդարանական ընտրություններում ներկայումս ընթանում է քվեների հաշվարկի գործընթացը, եւ հույս է հայտնել, որ վերջնական արդյունքները կհրապարակվեն կիրակի, փոխանցում է Tasnim-ը: 

«Ընտրական տեղամասերում քվեաթերթիկների հաշվարկից հետո արդյունքները կփոխանցվեն Կենտրոնական ընտրական հանձնաժողով: Մենք հանրությանը կտեղեկացնենք յուրաքանչյուր ընտրատեղամասի արդյունքների մասին` ընտրությունների արդյունքների համաձայն»,- ասաց նա: 

Մուսավին հույս է հայտնել, որ զգալի քանակությամբ ընտրատեղամասերի արդյունքները կհրապարակվեն շաբաթ օրը` նշելով, որ խոշոր քաղաքներում արդյունքները կհայտարարվեն կիրակի: 

Նախօրեին Իրանում մեկնարկել էին խորհրդարանական ընտրությունները: Ավելի քան 290 պատգամավորական մանդատի համար պայքարում էր մոտ 7 հազար մարդ: Ընտրություններն անցկացվել են Իրանի 208 ընտրատեղամասերում: 

29 միլիոն 39 հազար 152 ընտրողները տղամարդիկ են, իսկ 28 միլիոն 879 հազար եւ 6 մարդ` կանայք: Իրանի խորհրդարանում հինգ տեղ ամրագրված է կրոնական եւ էթնիկ փոքրամասնությունների համար: Երկու տեղ պահված է Իրանում բնակվող էթնիկ հայերի համար, մեկական տեղ` երկրում ապրող ասորիների եւ հրեաների համար: 
Սուննի պատգամավորների համար խորհրդարանում ներկայացվածության համար խոչընդոտներ չկան:  Ներկայումս խորհրդարանում 24 սուննի ներկայացուցիչ կա: 

Խորհրդարանի անդամներն ընտրվում են ժողովրդական քվեարկությամբ` 4 տարի ժամկետով: Իրանի նոր պառլամենտն իր աշխատանքները կսկսի 2020-ի մայիսի վերջին: 


 

Քաղաքականություն