Չինաստանի սահմաններից դուրս COVID-2019 կորոնավիրուսով վարակման նոր դեպքերի թվաքանակը փետրվարի 25-ին առաջին անգամ ավելի մեծ Է եղել, քան Չինաստանի տարածքում: Այդ մասին փետրվարի 26-ին Ժնևում հայտնել Է Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեյեսուսը: 

Այսպես, ԱՀԿ-ի տվյալներով, փետրվարի 25-ին Չինաստանում նոր կորոնավիրուսով վարակվածների թիվն ավելացել Է 411-ով, իսկ Չինաստանի սահմաններից դուրս՝ 427-ով: Գեբրեյեսուսը հայտարարել Է, որ առայժմ հիմքեր չկան նոր կորոնավիրուսի բռնկումը համավարակ (պանդեմիա) հայտարարելու համար: Նա նշել Է, որ այդ բնորոշման օգտագործումը կարող Է դառնալ այն բանի ազդանշանը, որ համաշխարհային հանրակցությունն ի իր զորու չԷ զսպել վարակի տարածումը, ինչը չի համապատասխանում իրականությանը: