Հարավային Օսիան փակում է սահմանը Վրաստանի հետ

Կորոնավիրուսի պատճառով Հարավային Օսիան փակում է Վրաստանի հետ սահմանին գտնվող բոլոր անցակետերը։ Այս մասին տեղեկացվում է նախագահի աշխատակազմի մամուլի ծառայության հաղորդագրության մեջ։

«Հարավային Օսիայի տարածքում COVID-19- ի բռնկումը կանխելու համար Անվտանգության խորհուրդը որոշել է ամբողջովին փակել Վրաստանի հետ սահմանին գտնվող բոլոր անցակետերը՝ մինչև հատուկ ծանուցում ստանալը», - ասվում է հայտարարության մեջ:

Հիշեցնենք՝ երեկ Վրաստանի Առողջապահության նախարարությունը հայտարարել է, որ հայտնաբերվել է կորոնավիրուսով վարակի առաջին դեպքը: Վարակվածը 50-ամյա մի տղամարդ է, որը Վրաստան էր ժամանել Ադրբեջանից և մինչ այդ եղել էր Իրանում:

Քաղաքականություն

Պատահարներ