\n\n\n\n
ՏԵՍԱՆՅՈՒԹ. Լարված իրավիճակ ադրբեջանաիրանական սահմանին
Ադրբեջանական սոցիալական ցանցերում ակտիվորեն տարածվում է տեսանյութ, որից հայտնի է դառնում, որ ադրբեջանաիրանական սահմանին` Աստարայի մաքսակետում, լարված իրավիճակ է: Հսկիչ անցակետում մարդիկ վիճում են և առարկում անձանց մուտքը Ադրբեջան: Լարված իրավիճակի պատճառը նոր կորոնավիրուսի մասշտաբային տարածումն է:
Հիշեցնենք, որ դեռ երեկ Վրաստանում գրանցվել էր կորոնավիրուսով վարակման առաջին դեպքը: Հայտնենք նաև, որ հիվանդը Իրանից Վրաստան էր եկել Ադրբեջանի տարածքով:
Հիշեցնենք, որ Ադրբեջանում յոթ մարդ է հոսպիտալացվել՝ կորոնավիրուսով վարակման կասկածանքով, նրանցից հինգն Իրանի քաղաքացի են, ասվում է երկրի առողջապահության նախարարության և հանրապետության պարտադիր բժշկական ապահովագրության պետական գործակալության համատեղ հայտարարության մեջ:
Հայտնենք նաև, որ լարված իրավիճակ է նաև Վրաստանի հիվանդանոցներում:
