Նևադայի նահանգապետ Սթիվ Սիսոլակը կորոնավիրուսի տարածման պատճառով հայտարարել է իր վերահսկողության տակ գտնվող տարածքում բոլոր խաղատները փակելու մասին: Այս մասին հայտնում է Associated Press գործակալությունը։

Նահանգապետի կարգադրությամբ Նևադայում կդադարեն աշխատել խաղատները, բարերը, կինոթատրոնները եւ մարզասրահները: Ռեստորանները նույնպես փակվելու են, սակայն առաքման ծառայությունները կշարունակեն աշխատել։

Ըստ աղբյուրի՝ նահանգի տարածքում կորոնավիրուսով վարակման ավելի քան 50 դեպք է հայտնաբերվել:

Լաս Վեգասը համարվում է ԱՄՆ-ի խաղային մայրաքաղաքը։