Լոս Անջելեսում երկրաշարժ է տեղի ունեցել
Լոս Անջելեսում 3,7 մագնիտուդ ուժգնությամբ երկրաշարժ է տեղի ունեցել, գրում է Independent-ը:
Երկրաշարժը ֆիքսվել է չորեքշաբթի տեղական ժամանակով ժամը 00:03-ին: Թեթեւ ցնցումներ են զգացվել Հարավային Կալիֆոռնիայում, հաղորդում է ԱՄՆ Երկրաբանական ծառայությունը:
Էպիկենտրոնը գտնվել է Սլոսոնից եւ Լա-Բրեա-ավենյուից կես մղոն հեռավորության վրա:
Ցնցումները արթնացրել են քաղաքի բնակիչներին: Երկարաշարժը զգացվել է նաեւ Լոնգ-Բիչում, Սանտա-Մոնիկայում, Արեւմտյան Հոլիվուդում եւ Բերբանկում:
Լոս Անջելեսի միջազգային օդանավակայանը Twitter-ում գրել է, որ փլուզումներ չեն եղել:
