Մայիսի 7-ին, ժամը 03.10-ին, հիվանդանոցից ոստիկանության Կենտրոնական բաժնում հաղորդում է ստացվել, որ Տպագրիչների փողոցից, «կրծքավանդակի ձախ կողային մակերեսի կտրած-ծակած վերք, պոլիտրավմա» ախտորոշմամբ, բուժօգնության է տեղափոխվել 44-ամյա մի տղամարդ։

Դեպքի առթիվ հարուցվել է քրեական գործ:

Ոստիկանության Կենտրոնական բաժնի ծառայողների ձեռնարկած միջոցառումներով պարզվել է, որ տուժածը վիճաբանել էր մի 49-ամյա տղամարդու եւ 47-ամյա կնոջ հետ: Վեճի ընթացքում կինն իր մոտ եղած դանակով խփել էր տղամարդուն ու պատճառել վնասվածք։

Ձեռնարկված օպերատիվ-հետախուզական միջոցառումների շնորհիվ նույն օրը, ժամը 18.10-ին, տղամարդն ու կինը Պուշկինի եւ Նալբանդյան փողոցների խաչմերուկից բերման ենթարկվեցին Կենտրոնական բաժին ու խոստովանական ցուցմունք տվեցին։

Դանակն առգրավված է:

Նշանակվել է դատաբժշկական փորձաքննություն: