ԵՊԲՀ ռեկտոր Արմեն Մուրադյանը ֆեյսբուքյան գրառում է կատարել ու կից հոլովակ տեղադրել՝ նշելով, որ Զինվորի տանը բնակվող Լևոնի ծննդյան օրն են նշել, պարզապես անսովոր եղանակով:

«Ծնունդ մեկուսացման օրերին: Այսօր մեր Զինվորի տան ամենատարեց բնակիչ պարոն Լևոնի ծննդյան օրն էր: Մեր Լևոն պապին շնորհավորեցինք երգ ու պարով, տոնական տորթով ու փուչիկներով՝ միայն թե արգելապատնեշից այն կողմ: Շնորհավորում եմ պարոն Լևոն,ուզում ենք դեռ շատ ու շատ օրեր լսել Ձեր իմաստուն խորհուրդները ….Եղեք առողջ»,- գրել է Մուրադյանը: