Դատաբժշկական փորձաքննությունը հաստատել է, որ աֆրոամերիկացի Ջորջ Ֆլոյդին խեղդամահ է արել ոստիկանը։ Այդ են վկայում դիահերձման պաշտոնական տվյալները, որոնք հրապարակվել են հունիսի 1-ին։

Աֆրոամերիկացու մահը որակվում է որպես սպանություն,սակայն զեկույցում ասվում է, որ այս պարագայում այդ հասկացությունը չի հանդիսանում «մեղավորության կամ մտադրության» իրավաբանական սահմանում՝ իրավական գնահատականը պետք է տան դատական մարմինները։ Այս մասին գրում է Deutsche Welle-ն։ Բժիշկները հաստատել են, որ «մահը վրա է հասել տղամարդու պարանոցի և մեջքի շրջանում տևական սեղմման» արդյունքում։