Հունիսի 4-ից Չեխիան և Սլովակիան կբացեն ընդհանուր սահմանը
Հինգշաբթի օրը՝ հունիսի 4-ին, Չեխիան եւ Սլովակիան ամբողջությամբ բացում են ազգային սահմանները, որոնք փակ էին քաղաքացիների եւ ապրանքների ազատ տեղաշարժման համար համավարակի պայմաններում:
Համապատասխան համաձայնությունը ձեռք է բերվել Չեխիայի վարչապետ Անդրեյ Բաբիշի եւ Սլովակիայի կառավարության ղեկավար Իգոր Մատովիչի միջեւ, ով չորեքշաբթի այցելել էր Պրահա:
Երկու հանրապետություններում համաճարակաբանական իրավիճակի բարելավումն իշխանություններին թույլ է տվել վերացնել սահմանափակումները Չեխիայի եւ Սլովակիայի տարածքներով իրենց բնակիչների տեղաշարժի մասով:
