ՀԱՊԿ-ը կոչ է արել անհապաղ դադարեցնել կրակը
Հավաքական անվտանգության պայմանագրի կազմակերպությունը մտահոգություն է հայտնել Հայաստանի և Ադրբեջանի սահմանին իրավիճակի սրման կապակցությամբ և կոչ է արել անհապաղ դադարեցնել կրակը:
ՀԱՊԿ մամուլի խոսնակ Վլադիմիր Զայնետդինովը հայտարարել է, թե ստեղծված իրավիճակը չի նպաստում երկու հարևան երկրների սահմանին իրավիճակի կարգավորմանը, որոնցից մեկը՝ Հայաստանի Հանրապետությունը, ՀԱՊԿ անդամ պետություն է:
