ՏԵՍԱՆՅՈՒԹ. Վիրավոր քաղաքացին Բերդի բուժկենտրոնում է. Տավուշի մարզպետը նոր մանրամասներ է հայտնում
Քիչ առաջ ՀՀ ՊՆ ներկայացուցիչ Արծրուն Հովհաննիսյանը ֆեյսբուքյան իր էջում հայտնել էր, որ այսօր հակառակորդի մարտական անօդաչուի հարվածից վիրավորվել է Չինարի գյուղի բնակիչ Արամայիս Հովակիմյանը։
Radio Aurora-ի եթերում Տավուշի մարզպետ Հայկ Չոբանյանից հետաքրքրվեցինք, թե քաղաքացին այս րոպեներին ի՞նչ վիճակում է գտնվում:
«Վիրավորը տեղափոխվել է Բերդի բուժկենտրոն, 45 տարեկան քաղաքացի է: Այս պահին այլ մանրամասներ չեմ կարող հայտնել: Դեպքի պահին հավանաբար կանգնած է եղել իր մեքենայի կողքին»,- ասաց նա:
Պարոն Չոբանյանի խոսքն ամբողջությամբ` տեսանյութում
