Նոր մանրամասներ Էդմոն Մարուքյանի վարորդի մասնակցությամբ միջադեպից. վեճի մասնակիցներն այսօր հանդիպել են. Armlur

Երեկ տեղեկություններ տարածվեցին, որ ԱԺ «Լուսավոր Հայաստան» խմբակցության ղեկավար Էդմոն Մարուքյանի վարորդի եւ ինչ-որ մի քաղաքացու միջեւ թեժ վիճաբանություն է տեղի ունեցել Մալաթիա Սեբաստիա վարչական շրջանում: Ըստ շրջանառվող տեղեկությունների, Մարուքյանի վարորդը ճանապարհ էր ուզել դիմացի վարորդից, որը չէր տվել, ինչի հետեւանքով վիճաբանություն էր սկսկվել: ԼՀԿ-ն երեկ պարզաբանել ու նաեւ լուսանկարներ էր հրապարակել Մարուքյանի վարորդի հետ կապված ու հայտարարել որ վարորդների միջև երթևեկության ընթացքում տեղի է ունեցել միջադեպ, որից հետո մյուս մեքենայի վարորդը կայանել է, որպեսզի հաշիվները մաքրի Համլետ Զարոյանի հետ: Վարորդը դուրս է եկել շինարարական գործիքը (պտուտակահանը) ձեռքին և դրանով վնասվածքներ հասցրել Համլետ Զարոյանին:

ԼՀԿ-ի ներկայացրած նկարներում տեսանելի էին նաեւ Զարոյանի մարմնի վրա պտուտակահանից ստացված վնասվածքները: Ըստ ընդդիմադիր կուսակցության տարածած հաղորդագրության, Զարոյանը ինքնապաշտպանվել է, կասեցրել հարձակումը, փորձել խլել պտուտակահանը և միջադեպից հետո, ժամը 12:00-ի սահմաններում անձամբ գնացել ոստիկանության Մալաթիա-Սեբաստիայի բաժին և ներկայացրել հաղորդում հանցագործության մասին, ստացել դատաբժշկի ուղեգիր, որից հետո անցել է իր առօրյա աշխատանքներին: Armlur.am-ը տեղեկացավ, որ այսօր առավոտյան երկու վարորդները ներկայացել են դատաբժշկական փորձաքննության: Կայքի տեղեկություններով, վարորոդներն այնտեղ միմյանց հանդիպել են: Դատաբժիշկն արձանագրել է այն վնասվածքները, որոնք երկու վարորդների մոտ առկա է ու նրանք հեռացել են: Բայց, թե իրականում ինչ կպարզի դատաբժիշկը, դեռեւս վաղ է ասելը:

Քաղաքականություն

Պատահարներ