Վլադիմիր Գասպարյանի դեմ քրգործ է հարուցվել
ՀՀ նախկին ոստիկանապետ Վլադիմիր Գասպարյանի եւ «Ազատություն» ՌԿ լրագրողի միջեւ տեղի ունեցած միջադեպի առթիվ հարուցվել է քրեական գործ՝ ՀՀ քրեական օրենսգրքի 164-րդ հոդվածի ՝ լրագրողի մասնագիտական օրինական գործունեությանը խոչընդոտելու հատկանիշներով, կատարվում է քննություն։ Այս մասին տեղեկանում ենք ՀՀ ոստիկանության լրատվության վարչությունից։
Հիշեցնենք՝ օգոստոսի 8-ին «Ազատություն» ռ/կ-ն հայտարարել էր, թե Վլադիմիր Գասպարյանը խոչընդոտել է իրենց լրագրողների մասնագիտական գործունեությանը, մասնավորապես, Սեւանա լճի ափամերձ հատվածներում տեղակայված ապօրինի առանձնատների ու այլ կառույցների վերաբերյալ ռեպորտաժ պատրաստելիս Վլադիմիր Գասպարյանը պահանջել է, որ չնկարահանեն իր տունը, ապա մեքենան վարել լրագրողների ուղղությամբ՝ սպառնալովվարերթի ենթարկել ու ֆիզիկապես ոչնչացնել նրանց՝ «գյուլլել»,«սատկացնել»։
Երեկ՝ օգոստոսի 9-ին Գասպարյանի փաստաբան Տիգրան Աթանեսյանը տեղեկացրել էր, որ Վլադիմիր Գասպարյանի անունից պատրաստվում է հայց ներկայացնել դատարան, կապված «օտարերկրյա գործակալական ցանցի հիմնասյուն հանդիսացող Ազատություն ռադիոկայանի աշխատակիցների գործողությունների հետ»:
Ավելի ուշ փաստաբաննը տեղեկացրեց, որ Երեւանից օպերատիվ խումբ է մեկնել Սեւան՝ Վլադիմիր Գասպարյանին ձերբակալելու համար։
