Աբովյան քաղաքում գտնվող բենզալցակայանում հրդեհ է բռնկվել
Օգոստոսի 12-ին՝ ժամը 13:16-ին, Ճգնաժամային կառավարման ազգային կենտրոն տեղեկություն է ստացվել, որ հրդեհ է բռնկվել Աբովյան քաղաքի կամրջի մոտակայքում գտնվող բենզալցակայանում։
Դեպքի վայր է մեկնել ԱԻՆ ՓԾ Կոտայքի մարզային փրկարարական վարչության հրշեջ-փրկարարական ջոկատից երկու մարտական հաշվարկ, այնուհետև օգնության է մեկնել Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ, որոնք, անհրաժեշտությունը վերանալու պատճառով, ետ են վերադարձել։
Հրդեհը մեկուսացվել է ժամը 13:34-ին, մարվել՝ 13:49-ին:
Այրվել են Նոր Հաճն քաղաքի խաչմերուկում գտնվող «ՄԱՔՍ ՕԻԼ» բենզալցակայանի պահեստի տանիքի փայտյա կառուցատարրերը (մոտ 25 քմ) և պահեստում գտնվող ռետինե խողովակ (մոտ 3 գմ):
