Թուրքիան միակ երկիրն է, որը հրադադարի կոչ չի անում. Ֆրանսիայի ԱԳ նախարարի քննադատությունը
Ֆրանսիան և Գերմանիան մեղադրել են Թուրքիային սադրիչ հայտարարություններ և գործողություններ անելու մեջ:
Ինչպես փոխանցում է Reuters գործակալությունը, Ֆրանսիայի ԱԳ նախարար Ժան-Իվ Լե Դրիանը քննադատել է Թուրքիային Լեռնային Ղարաբաղի հակամարտության հարցում ցուցաբերած դերակատարության համար, որով նա աջակցում է Ադրբեջանին՝ ընդդեմ հայերի:
«Այս հարցը չի կարող ռազմական լուծում ունենալ, այսպիսով հրադադարը պետք է իրականություն դառնա: Թուրքիան միակ երկիրն է, որը հրադադարի կոչ չի անում, և դա կործանարար է»,- ասել է ֆրանսիացի նախարարը:
«Մեզ համար պարզ է, որ Թուրքիան մշտապես սադրիչ գործողություններ է իրականացնում, ինչն անընդունելի է»,- հավելել է քաղաքական գործիչը՝ ելույթ ունենալով գերմանացի և լեհ պաշտոնակիցների հետ համատեղ ասուլիսում:
