Հենրիխ Մխիթարյանի անունով հերթական կեղծ էջն է բացվել, որի նպատակը ձեր դրամական միջոցների յուրացումն է
Հարգելի քաղաքացիներ,
Ադրբեջանական քարոզչությանը զուգահեռ սոցիալական ցանցերում ակտիվացել են խարդախություն իրականացնող կեղծ էջերը։
Հայազգի ֆուտբոլիստ Հենրիխ Մխիթարյանի անունով հերթական կեղծ էջն է բացվել, որի նպատակը ձեր դրամական միջոցների յուրացումն է։
Կոչ ենք անում մեկնաբանություններ չանել էջում, չտրամադրել անձնական և բանկային տվյալներ, չտարածել գրառումները և չպատասխանել էջի կողմից ուղարկվող նամակներին։
Զգոն եղեք, քանի որ նմանատիպ խաբեություններ իրականացվում են նաև մի շարք այլ հայտնի անձանց անուններով։ Այս մասին հայտնում է Տեղեկատվության ստուգման կենտրոնը: