Շվեյցարիայում Ֆրանսիայի հյուպատոսությունը շրջափակվել է կասկածելի փաթեթի պատճառով
Շվեյցարիայի Ցյուրիխ քաղաքում ոստիկանությունը շրջափակել է Ֆրանսիայի հյուպատոսությունը այն բանից հետո, երբ շենքի հենց մուտքի մոտ կասկածելի փաթեթ է հայտնաբերվել։ Այս մասին գրում է shantnews-ը։
«Ոստիկանության հաղորդագրության համաձայն, առավոտյան 9.30-ի սահմաններում , մի կին դիմել է անվտանգության ծառայության աշխատակցին և պոլիէթիլենային տոպրակ տեղադրել հենց Ֆրանսիայի հյուպատոսարանի մուտքի մոտ: Ֆրանսիայում առկա իրավիճակի և վերջին իրադարձությունների պատճառով, արտակարգ իրավիճակների ծառայություններն անմիջապես շրջափակեցին տարածքը», – շվեյցարական ոստիկանության տարածած հայտարարությունը հրապարակել է ՌԻԱ Նովոստի գործակալությունը:
Ֆրանսիայում սերիական հարձակումները սկսվեցին այն բանից հետո , երբ Փարիզում ի 18-ամյա մի ահաբեկիչ գլխատեց պատմության ուսուցչին, ով աշակերտներին ցույց էր տվել Մուհամեդ մարգարեի ծաղրանկարները, որը տպագրվել էր Charlie Hebdo- ում ` հինգ տարի առաջ:
Տեղի ունեցած ոճրագործությունից հետո Ֆրանսիայի նախագահ Էմանուել Մակրոնը նախազգուշացրեց, որ երկրում ակտիվ պայքար է սկսվելու «արմատական իսլամիստների գաղափարախոսության »և նրանց կողմնակիցների դեմ: Մի քանի երկրներ քննադատել են Մակրոնի հայտարարությունները՝նրան մեղադրելով հակաիսլամական տրամադրությունների մեջ:
