Այսօր՝ լրագրողների հետ ճեպազրույցում ԲՀԿ-ական պատգամավոր Արման Աբովյանը ի պատասխան հարցին, թե ինչու ԲՀԿ-ը չի մասնակցում Արա Այվազյանի և ԱԺ արտաքին հարաբերությունների հանձնաժողովի անդամների հետ հանդիպմանը, ասաց. «Մենք չունենք, ըստ էության, ոչ մի ընդհանուր օրակարգ իշխանությունների հետ նաև այդ դաշտում, որովհետև այն ապաշնորհ գիտակցված և անգիտակից քայլերը, որ մենք տեսնում ենք դիվանագիտական դաշտում, չեն թողնում ոչ մի հնարավորություն՝ ինչ-որ բան քննարկելու»:

Հիշեցնենք, որ ընթանում է ԱԳ նախարար Արա Այվազյանի և ԱԺ արտաքին հարաբերությունների հանձնաժողովի անդամների փակ հանդիպումը, որին չեն մասնակցում ԲՀԿ-ն ու ԼՀԿ-ն: