Համացանցում տարածվում է Բ. Սահակյանի անվտանգության նախկին աշխատակցի՝ մահից ժամեր առաջ արված ձայնագրությունը
Համացանցում ձայնագրություն է տարածվում, որը ըստ շրջանառվող լուրերի, ԱՀ նախկին նախագահ Բակո Սահակյանի անվտանգության պետ Արթուր Ապրեսյանի վերջին ձայնային հաղորդագրությունն է։ Ապրեսյանը հաղորդագրությամբ նշում է, որ իր դեմ որս է սկսվել։ Թեև վստահություն է հայտնել, որ վերջիններս իրենց ուզածին չեն հասնի, այդուհանդերձ Ապրեսյանը հաղորդագրության հասցեատիրոջը զգուշացնում է, որ, եթե ինչ որ բան լինի, ուրեմն այդպես է պետք։
Հիշեցնենք, որ 2021թ. հունվարի 22-ին՝ ժամը 00:05-ի սահմաններում, Ստեփանակերտ քաղաքի Բաղրամյան փողոցում կայանված «Հունդայի» մակնիշի ավտոմեքենայի վարորդի նստատեղում գլխի հատվածում հրազենային վնասվածքով հայտնաբերվել է Ստեփանակերտ քաղաքի 1985թ. ծնված Արթուր Աշոտի Ապրեսյանի դիակը, որի աջ ձեռքում առկա է եղել ատրճանակ:
