Ոստիկանությունն ամերիկյան Կոլորադո նահանգում ձերբակալել է 95-ամյա ծերունու, որը կրակոցներ էր արձակել ծերանոցում և ծանր վիրավորել հաստատության աշխատակիցներից մեկին: Այս մասին հայտնում է РИА Новости-ն՝ հղում տալով Denver Channel հեռուստաալիքին:

Համաձայն տեղի ոստիկանության տեղեկության՝ դեպքը տեղի է ունեցել չորեքշաբթի առավոտյան Լաֆայեթ քաղաքում՝ Դենվերից 35 կմ հեռավորության վրա:

Երբ իրավապահները ժամանել են դեպքի վայր, կասկածյալն իր սենյակում է եղել: Ձերբակալության ժամանակ տղամարդը դիմադրություն չի ցուցաբերել: Նրա կողմից վիրավորված աշխատակիցը ծանր վիճակում հոսպիտալացվել է: