Օրվա լրահոս

Երկու փաստ եմ ուզում ընդգծել բանակի վերաբերյալ կապիտուլյանտի երկու փաստի մասին: Այս մասին ֆեյսբուքյան իր էջում գրում է Արդարադատության նախկին նախարար, ԱԺ նախկին փոխնախագահ Արփինե Հովհաննիսյանը:

«Փաստ 1

2017թ-ին 2007թ-ի համեմատ պաշտպանական ծախսերն ավելացել են 198,6 մլրդ դրամով։

Այսինքն 10 տարվա ընթացքում պաշտպանական ծախսերը ավելացել են միջինը տարեկան մոտ 20 մլրդ դրամով։

Փաշինյանի ապաշնորհ կառավարման արդյունքում 2021թ-ին 2017թ-ի համեմատ պաշտպանական ծախսերն ավելացել են ընդամենը 17,8 մլրդ դրամով, այսինքն` 4 տարում ապահովվել է ավելի քիչ աճ, քան նախկինում աճում էր ամեն տարի։

Փաստ 2

2018-ի մայիսից ի վեր զինված ուժերի զենք-զինամթերքի ամբողջ համալրումը իրականցվել է նախորդ իշխանության կնքած պայմանագրերով: Փաշինյանի ապաշնորհ թիմը կարողացել է անել ընդամենը երկու բան`

1. Չեղարկել նախկին իշխանության կնքած մի քանի կարևոր պայմանագիր, որով պետք է մատակարարվեին օրինակ` հակաօդային պաշտպանության համակարգեր («ՏՈՌ» համալիրների երկու խմբաքանակ և այլն)

2. Չեղարկված պայմանագրերի փոխարեն գնել ՕՍԱ-ԱԿ համակարգեր և ՍՈՒ-30-ներ, որոնք պատերազմի ժամանակ ցույց տվեցին այդ գնման ողջ անհեթեթությունը»,- գրել է Հովհաննիսյանը:

Վերջին նորություններ