Մարտի 6-ին, ժամը 11:18-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Մալաթիա-Սեբաստիա վարչական շրջանում գտնվող մրգի շուկայի մոտակայքում այրվում է ավտոմեքենա։ Այս մասին հայտնում են ՀՀ ԱԻՆ-ից: 

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։ 
Հրդեհը մեկուսացվել է ժամը 11։34-ին, մարվել՝ 11։42-ին։ Այրվել է «Renault Logan» (վարորդ՝ Գ. Ա․) մակնիշի ավտոմեքենայի շարժիչի հատվածը և մասամբ՝ սրահի ցուցիչների վահանակը։